ГАЛИМҖАН  ЗИГАНША  УЛЫ   1924  елның  12 апрелендә  Дусай  авылында  урта   хәлле  крестьян   гаиләсендә  туа.  Дусай  һәм  Тәкәнеш  мәктәпләрендә  белем  ала.   1940 – 1941  елларда  туган  колхозы  «Ударник» та  эшли.  16  яшеннән  ФЗО га  алына  һәм  Лубьян  урманнарында  агач  хәзерләүдә  катнаша. 1943 елның  августында Совет  армиясенә алына.1944 елның  февралендә фронтка  китә. 8 нче ПОНТОН  батальоны  составында  Ленинград  фронтында, аннан  Киевны  азат  итүдә,  Днепр,  Днестр,  Висла, Одер  елгаларын  кичүдә  каты  сугышларда  катнаша. Бөек Ватан  сугышын  чехословакиядә  тәмәмлый.   Сугышта  күрсәткән  батырлыклар өчен ул  ике  тапкыр  Кызыл  йолдыз,  Ватан  сугышы  орденнары  һәм  күп  санлы  медальләр  белән  бүләкләнә.