Тахавиев Әгъләм
Тахаветдин улы
Әгъләм бабай 1918 нче елның 12 октяберендә Шәмәк авылында туа. Кечкенәдән үк колхозда төрле эштә йөри. 1939 нчы елда аны армия сафларына алалар. Ул Читада хезмәт иткән вакытта Бөек Ватан сугышы башлана . Армиядән кайту срогын тутыргач , аны сугышка алып китәләр. 1942 елда авыр яралана һәм госпитальдә ята. Аннан соң аны авылга кайтаралар. Ләкин озак та үтми аны кабат сугышка Ленинград шәһәренең санитар ротасына алына.Ленинград блокадасын өзеп бабай Латвиягә кадәр барып җитә. Ул 1944 елда тагын яралана. Аны Казахстанның Сарагач районында урнашкан госпитальгә салалар. Ул анда 9 ай буе ята. 1945 елда сугыш тәмамлангач исән-имин әйләнеп кайта.

Оныгы Зыятдинова Дилә.