Атам Баялимов Аймағамбет Баялимұлы 1900 жылы Кызылорда қаласында туылған. 1929 жылы Сырдария ауданына қарасты шаруашылықтарда жұмыс жасай бастады. Колхоз құрылысына белсенді атсалысты.Сонау 1941 жылы Мәскеудегі көрмеге қатысып қайтқан еді. Аймағамбет атамыз 1942 Отан алдындағы борышын өтемекке әскерге аттанады. "Атты әскерде" болып, қиын-қыстау заманда елін қорғайды.Сонау сұрапыл майдан жылдарындағы, жантүршігерлік жауыздықтарды көзімен көрген, Сталинград, Тамбов түбіндегі, Дон бойындағы ұрыстарға қатысты. 1943 жылы ақпан айында Украина жерінде соғысқа қатысты.  Соғысты Румыния жерінде аяқтады.1945 жылы наурыз айында елге оралды. «Отан соғысы», «Қызыл жұлдыз» ордендері мен жауынгерлік медальдары бар. Менің атам елге аман-есен оралған соң Сырдария аудандық жол құрылысы бөлімінде жұмыс істеді. Астық өнімдері облыстық басқармасының қосалқы шаруашылығының директоры болды. Атамыздың қатысуымен шаруашылық көлемінде бірнеше құрылыстар салынды. Ол шаруашлық әлі күнге дейін көпшілікке қызмет көрсетіп келеді.