Мені еңбекке тәрбиелеп, өсірген әкем - Жетен мен анам Рахима. Жетен әкейді менен үлкендер аға деп атаған соң болар, мен де аға дейтінмін. Ата-анамыздың бар байлығы балалар болса, мақсаттары бізді тәрбиелеп оқыту болды. Ағам Жетен адал жүректі, ақкөңіл, бауырмал, балажанды еңбекқор еді. Ол кезде ауыл тұрмысында әр ұйге қажет арба, шананы, қамыт-сайманды өз қолымен жасай беретін. Ата-анамыздың жатпай-тұрмай еңбек еткенінің арқасында жоғары білім алдық. Ақша, дұние-мұлік бір кезде таусылады, тозады. Ал білім - таусылмайтын, тозбайтын байлық. Бізге ата-анамыздын қалдырған байлығы олардың өмірден алған тәжіребесі, төлім-тәрбиесі. Бір ұрпақ ата-ананың алдындағы қарызын өтеп жатса, екіншісі қарызданып жатқан алма-кезек дүние. Осылай өмір-өзен өтіп жатыр.